ബംഗളൂരു: കനത്ത മഴയില്‍ വെള്ളം കയറിയതിെന തുടര്‍ന്നു ബംഗളൂരു നഗരത്തില്‍ ബോട്ടിറക്കി. റോഡുഗതാഗതം പലയിടത്തും നിലച്ചു. പലയിടങ്ങളിലും വീടുകളില്‍ വെള്ളം കയറി. ഇലക്ട്രോണിക് സിറ്റിക്കടുത്ത് വന്‍ വെള്ളക്കെട്ടാണ് രൂപപ്പെട്ടത്. കഴിഞ്ഞ ദിവസം രാത്രി പെയ്ത തുടര്‍ച്ചയായ മഴയാണ് ദക്ഷിണ ബംഗളൂരുവിലെ ജനങ്ങളെ പ്രയാസത്തിലാക്കിയത്. വീടുകളിലും മറ്റും കുടുങ്ങിക്കിടക്കുന്നവരെ രക്ഷിക്കാന്‍ ബോട്ടുകളുമായി രക്ഷാ പ്രവര്‍ത്തകര്‍ എത്തുകയായിരുന്നു.
നഗരത്തിലെ തടാകങ്ങളിലെ വെള്ളം റോഡുകളിലെത്തി. ചിലയിടങ്ങളില്‍ നാട്ടുകാര്‍ വല വിരിച്ച് മീന്‍പിടിത്തവും നടത്തി. ഹരിയാനയിലെ ഗുഡ്ഗാവിലും കനത്ത മഴയെ തുടര്‍ന്ന് ഇതേ അവസ്ഥയിലായിരുന്നു.