കൊച്ചി: സ്റ്റോപ് മെമ്മോ നല്‍കിയിട്ടും തുറന്നു പ്രവര്‍ത്തിച്ച കൊച്ചിയിലെ ഒബ്‌റോണ്‍ മാള്‍ അടച്ചുപൂട്ടി. ഹൈക്കോടതി നിര്‍ദേശത്തെത്തുടര്‍ന്നാണ് അടച്ചത്. സുരക്ഷാ പരിശോധനകള്‍ക്ക് ശേഷമേ മാള്‍ തുറന്നു പ്രവര്‍ത്തിക്കാവൂ എന്നും മാളിലെ സുരക്ഷാപ്രശ്‌നങ്ങള്‍ പരിഹരിക്കണമെന്നും ഹൈക്കോടതി ഉത്തരവിട്ടു.

കോര്‍പറേഷനും അഗ്നിശമനസേനയും ചേര്‍ന്ന് പരിശോധന നടത്തി ശനിയാഴ്ച്ചക്കകം റിപ്പോര്‍ട്ട് സമര്‍പ്പിക്കാനാണ് നിര്‍ദേശം. കഴിഞ്ഞയാഴ്ചയുണ്ടായ തീപിടിത്തത്തിന് ശേഷം ഇന്നലെ മാള്‍ വീണ്ടും തുറന്നു പ്രവര്‍ത്തിച്ചിരുന്നു. കോര്‍പറേഷന്‍ സെക്രട്ടറി ഇന്ന് ഹൈക്കോടതിയില്‍ നേരിട്ട് ഹാജരായിരുന്നു.