മലപ്പുറം:തെരഞ്ഞെടുപ്പ് പ്രചാരണത്തിനിടെ പി.വി അന്‍വര്‍ എം.എല്‍.എ വര്‍ഗീയ പരാമര്‍ശം നടത്തിയെന്ന് ചൂണ്ടിക്കാട്ടി തെരഞ്ഞെടുപ്പ് കമ്മിഷന് പരാതി നല്‍കി. നിലമ്പൂര്‍ നിയോജകമണ്ഡലം യൂത്ത് കോണ്‍ഗ്രസ് അധ്യക്ഷന്‍ ഷാജഹാന്‍ പായിമ്പാടമാണ് പി.വി.അന്‍വര്‍ എംഎല്‍എയ്‌ക്കെതിരെ പരാതി നല്‍കിയത്.

വൃന്ദാവനം കുന്നിലെ എല്‍.ഡി.എഫ് കുടുംബയോഗത്തിലെ പ്രസംഗത്തിനിടെ എം.എൽ.എ  മതം പറഞ്ഞ് വോട്ടു ചോദിച്ചെന്നാണ് പരാതി. പ്രസംഗത്തിന്റെ ഓഡിയോ ക്ലിപ്പ് തെരഞ്ഞെടുപ്പ് കമ്മീഷന് നല്‍കി. ഈ പ്രസംഗം നേരത്തെ തന്നെ വിവാദത്തിലായിരുന്നു.