ബംഗളൂരു: ഗോവധ നിരോധന നിയമ ബില്‍ പാസാക്കി കര്‍ണാടക. നിശബ്ദ വോട്ടോടെയാണ് ബില്‍ നിയമസഭയില്‍ പാസാക്കിയത്. ഇനി ഉപരിസഭയിലും ബില്‍ പാസായി ഗവര്‍ണര്‍ ഒപ്പുവച്ചു നിയമമാകുന്നതോടെ സംസ്ഥാനത്ത് പശു , കാള , പോത്ത് തുടങ്ങിയ കന്നുകാലികളെ എങ്ങനെ കൊല്ലുന്നതും നിയമവിരുദ്ധമാകും.

കാലിക്കശാപ്പിന് 50,000 മുതല്‍ 5 ലക്ഷം രൂപ പിഴ നല്‍കുന്നതാണ് ബില്‍. പിഴയ്ക്കൊപ്പം ഏഴ് വര്‍ഷം വരെ തടവും ശിക്ഷ നല്‍കുന്നതാണ് നിയമം.കുറ്റവാളിയെന്ന് തെളിഞ്ഞാല്‍ അവരുടെ കാലികള്‍ , വസ്തുക്കള്‍, സ്ഥലം , വാഹനങ്ങള്‍ എന്നിവ കണ്ടുകെട്ടാനും നിയമം മൂലം സര്‍ക്കാരിന് കഴിയും. എസ്ഐ റാങ്ക് മുതലുള്ള ഉദ്യോഗസ്ഥര്‍ക്ക് സംശയകരമായി തോന്നുന്ന കാലി വളര്‍ത്തു ഇടങ്ങളിലെല്ലാം കയറി പരിശോധന നടത്താനും നിയമം അനുവദിക്കുന്നുണ്ട്.