ആപിയ: സമോവയില്‍ നടക്കുന്ന കോമണ്‍വെല്‍ത്ത് ഭാരോദ്വഹന ചാംപ്യന്‍ഷിപ്പില്‍ ഇന്ത്യന്‍ താരം അജയ് സിങ്ങിന് റെക്കോര്‍ഡ്. 81 കിലോ ഗ്രാം വിഭാഗത്തില്‍ മത്സരിച്ച 22 കാരനാണ് റെക്കോര്‍ഡ് സ്വന്തമാക്കിയിട്ടുള്ളത്. 190 കിലോ ഉയര്‍ത്തി ദേശീയ റെക്കോര്‍ഡ് തകര്‍ക്കുകയും ഒളിംപിക്‌സ് യോഗ്യതക്ക് അടുത്തെത്തുകയും ചെയ്തു അജയ് സിങ്. ഏഷ്യന്‍ യൂത്ത് ചാംപ്യന്‍ഷിപ്പില്‍ വെങ്കല മെഡല്‍ ജേതാവ് കൂടിയാണ് അജയ്. കോമണ്‍വെല്‍ത്ത് ചാംപ്യന്‍ഷിപ്പിലെ നേട്ടം അജയിന്റെ കരിയറിലെ മികച്ച നേട്ടമാവുകയും ചെയ്തു.