തിരുവനന്തപുരം: കെ.എം മാണിയെ ചതിച്ചവര്‍ക്കുള്ള മറുപടി തെരഞ്ഞെടുപ്പില്‍ ലഭിക്കുമെന്ന് ജോസ്.കെ മാണി. വോട്ടു രേഖപ്പെടുത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.

മാണിയെ സ്‌നേഹിച്ചവര്‍ക്ക് രണ്ടില ചിഹ്നത്തെ ഒരിക്കലും തള്ളിപ്പറയാന്‍ സാധിക്കില്ല. രണ്ടില വാടിക്കരിയുമെന്നാണ് പി.ജെ. ജോസഫ് പറഞ്ഞത്. എന്നിട്ട് രണ്ടില ചിഹ്നം ലഭിക്കാന്‍ കോടതി കയറി നടക്കുകയാണെന്നും അദ്ദേഹം പറഞ്ഞു.

ഇടതു സര്‍ക്കാര്‍ ചെയ്ത വികസന പ്രവര്‍ത്തനങ്ങള്‍ ചര്‍ച്ചയാകുമെന്നും കോട്ടയത്തും മധ്യകേരളത്തിലും ഇടതുപക്ഷ ജനാധിപത്യമുന്നണിയ്ക്ക് വലിയ മുന്നേറ്റമുണ്ടാകുമെന്നും ജോസ് കെ മാണി കൂട്ടിച്ചേര്‍ത്തു.