മലപ്പുറം: കേരളത്തിലെ പൊലിസിനും ചില ദൗര്‍ബല്യങ്ങളുണ്ടെന്നും ഇത് പരിഹരിച്ചാല്‍ സേനയ്ക്ക് രാജ്യാന്തരതലത്തില്‍ തന്നെ ഒന്നാമതെത്താമെന്നും എം.ബി രാജേഷ് എം.പി. കേരള പൊലിസ് അസോസിയേഷന്‍ ജില്ലാ സമ്മേളന ഭാഗമായുള്ള പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സ്ത്രീ-പുരുഷ ഭേദമില്ലാതെ എല്ലാവരോടും മര്യാദയോടെ ഇടപെടാന്‍ പൊലിസുകാര്‍ക്ക് കഴിയണമെന്നും പരിഷ്‌കൃത സേനയാക്കി പൊലിസിനെ മാറ്റാനുള്ള നടപടികള്‍ വേണമെന്നും അദ്ദേഹം പറഞ്ഞു.
ജില്ലാ പ്രസിഡന്റ് വി മധുസൂദനന്‍ അധ്യക്ഷനായി. ജില്ലാ പൊലിസ് മേധാവി ദെബേഷ് കുമാര്‍ ബെഹ്‌റ, ഡിവൈ.എസ്.പിമാരായ എം.പി മോഹനചന്ദ്രന്‍, കെ.എസ് രാജു, കെ.വി പ്രഭാകരന്‍, പൊലിസ് കാര്യാലയം അസി. കമാന്‍ഡന്റ് കെ അബ്ദുല്‍ റഷീദ്, എ ഹരിലാല്‍, പി സാജു, പ്രദീപ് കുമാര്‍, എന്‍ രജീഷ്, പി.ജി അനില്‍കുമാര്‍, അലവി കണ്ണന്‍കുഴി, പി ഗോപിനാഥന്‍, സൈനുല്‍ ആബിദ്, പി റഫീഖ്, പി.പി മധുസൂദനന്‍ സംസാരിച്ചു.