ചക്കരക്കല്‍: കാഞ്ഞിരോട് പൂട്ടിയിട്ട വീടിന് തീപിടിച്ചു. പാറോത്തുംചാല്‍ സെയ്താര്‍കണ്ടി മറിയത്തിന്റെ വീടിനാണ് തീപിടിച്ചത്. ഇന്നലെ രാവിലെ വീട്ടില്‍നിന്ന് പുക ഉയരുന്നത് കണ്ട പ്രദേശവാസികള്‍ അഗ്‌നിശമനസേനയെ വിവരമറിയിക്കുകയായിരുന്നു.
തുടര്‍ന്ന് അഗ്‌നിശമന സേനയും നാട്ടുകാരും ചേര്‍ന്ന് തീയണച്ചു. സംഭവത്തില്‍ വീടിനുള്ളിലെ ഫര്‍ണിച്ചറുകളും മറ്റു സാധനങ്ങളും കത്തിനശിച്ചു. മറിയം മകളുടെ കൂടെ അവരുടെ വീട്ടിലാണ് താമസം. വീട്ടില്‍നിന്ന് ഗ്യാസ് സിലിണ്ടര്‍ മാറ്റിയതിനാല്‍ വലിയ അപകടം ഒഴിവായി. ചക്കരക്കല്‍ പൊലിസും സ്ഥലത്തെത്തി. വീടിന്റെ ജനലിന് പുറത്തുനിന്ന് കത്തിയ കടലാസും തീപ്പെട്ടിയും കണ്ടെത്തി.