സിദ്ധാപുരം: കുടകില്‍ മൂന്നുദിവസമായി തുടരുന്ന ശക്തമായ മഴ ജനങ്ങളെ ഭീതിപ്പെടുത്തുന്നു. സിദ്ധാപുരം, കുശാല്‍നഗര്‍, മടിക്കേരി ഉള്‍പ്പെടെ ജില്ലയിലെ മിക്ക പ്രദേശങ്ങളിലും കഴിഞ്ഞ മൂന്നുദിവസമായി രാത്രി സമയങ്ങളില്‍ മണിക്കൂറുകള്‍ നീളുന്ന ശക്തമായ മഴയാണ് ഇവിടെ ലഭിച്ചത്. കഴിഞ്ഞ ഓഗസ്റ്റ് 16ന് ഉണ്ടായ കനത്തമഴയില്‍ ജില്ലയില്‍ ഉരുള്‍പൊട്ടലിലും പ്രളയത്തിലുമായി ഇരുപതിലധികം ജീവനുകളാണ് നഷ്ടമായത്. ആയിരത്തിലധികം വീടുകള്‍ തകര്‍ന്നിരുന്നു.