കണ്ണൂര്‍: പ്രളയാന്തര കേരളത്തില്‍ നഷ്ടപ്പെട്ട കാര്‍ഷിക മേഖലയുടെ തിരിച്ചുവരവിന് വര്‍ഷങ്ങളുടെ കാത്തിരിപ്പു വേണ്ടിവരുമെന്നും അതുവരെ മേഖലയിലുള്ളവരുടെ സംരക്ഷണത്തിന് സര്‍ക്കാര്‍ മുന്‍കൈ എടുക്കണമെന്നും മുസ്‌ലിം ലീഗ് സംസ്ഥാന വൈസ് പ്രസിഡന്റ് വി.കെ അബ്ദുല്‍ ഖാദര്‍ മൗലവി. കേന്ദ്രകേരള സര്‍ക്കാറുകളുടെ കര്‍ഷകദ്രോഹ നയങ്ങള്‍ക്കെതിരേ സ്വതന്ത്ര കര്‍ഷക സംഘം ജില്ലാ കമ്മറ്റി സംഘടിപ്പിച്ച പ്രതിഷേധ കൂട്ടായ്മ കണ്ണൂര്‍ പഴയ ബസ്സ്റ്റാന്റ് പരിസരത്ത് ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ പ്രസിഡന്റ് കെ. കുഞ്ഞി മാമു ആധ്യക്ഷനായി. പി.പി മഹമൂദ്, എം.പി.എ റഹീം, അഡ്വ. അഹമ്മദ് മാണിയൂര്‍, സി.പി റഷീദ്, പി. അബ്ദുറഹ്മാന്‍, എം.വി നജീബ്, ടി.കെ കുഞ്ഞബ്ദുല്ല ഹാജി, പി.കെ അബ്ദുല്‍ ഖാദര്‍ മൗലവി, എം. മുസ്തഫ, ടി.വി ഹസൈനാര്‍, പി.പി അബ്ദുല്‍ ഖാദര്‍, സി.എ റമുള്ളാന്‍, മുഹമ്മദ് മുണ്ടേരി, നസീര്‍ ചാലാട് സംസാരിച്ചു.