ജിദ്ദ: ഏറനാട് മണ്ഡലം കെ എം സി സി തിരഞ്ഞെടുപ്പ് കൺവെൻഷൻ സംഘടിപ്പിച്ചു. ഷറഫിയ ഗ്രീൻ റെസ്റ്ററെന്റ് ഓഡിറ്റോറിത്തിൽ നടന്ന പരിപാടിയിൽ മണ്ഡലം പ്രസിഡന്റ് അഷ്‌റഫ് കിഴുപറമ്പ് അധ്യക്ഷത വഹിച്ചു. ജിദ്ദ  കെ എം സി സി സെന്ററൽ കമ്മറ്റി വൈസ് പ്രസിഡന്റ് വി പി മുസ്തഫ ഉദ്ഘാടനം ചെയ്തു. കേരളത്തിൽ ഇപ്പോൾ നടക്കുന്നത് സ്വപ്‌ന പദ്ധതികൾ അല്ലെന്നും സ്വപ്‌നക്ക് വേണ്ടിയുള്ള പരിപാടികളാണ് നടക്കുന്നതെന്നും ഇത്രയും മോശമായ ഭരണം കേരളം കണ്ടിട്ടില്ലെന്നും അദ്ദേഹം പറഞ്ഞു.

    മലപ്പുറം ജില്ല കെ എം സി സി ജനറൽ സെക്രട്ടറി ഹബീബ് കല്ലൻ മുഖ്യ പ്രഭാഷണം നടത്തി. ജില്ല സെക്രട്ടറി സുൽഫീക്കർ ഒതായി,  കെവി സലാം കാവനൂർ, അലി പത്തനാപുരം, അബൂബക്കർ കുഴിമണ്ണ, ഹബീബ് കാഞ്ഞിരാല, സുബൈർ ഉറങ്ങാട്ടിരി, അനസ് ചാലിയാർ, ഫസിൽ റഹ്‌മാൻ, മുസ്തഫ ചീമാടൻ എന്നിവർ സംസാരിച്ചു. സുനീർ ഖിറാഅത്ത് നടത്തി. കെ സി മൻസൂർ അരീക്കോട് സ്വഗതവും വി പി നൗഷാദ് നന്ദിയും പറഞ്ഞു.