മിലാന്‍: യുവന്റസിന്റെ സൂപ്പര്‍ പോള്‍ പോഗ്ബയെ മാഞ്ചസ്റ്റര്‍ യുനൈറ്റഡ് സ്വന്തമാക്കിയേക്കും. താരത്തെ സ്വന്തമാക്കാനുള്ള ശ്രമത്തില്‍ നിന്ന് വമ്പന്‍മാരായ റയല്‍ മാഡ്രിഡ് പിന്‍മാറിയതോടെ പോഗ്ബ യുനൈറ്റഡിലെത്താനുള്ള സാധ്യത തെളിയുകയായിരുന്നു. 110 മില്യണാണ് താരത്തിനായി യുനൈറ്റഡ് വാഗ്ദാനം ചെയ്തിരിക്കുന്നത്.
കഴിഞ്ഞ ദിവസങ്ങളിലായി പോഗ്ബയെ സ്വന്തമാക്കാന്‍ റയലും രംഗത്തുണ്ടായിരുന്നു. റയല്‍ കോച്ച് സിദാന്‍ താരത്തിനെ സ്വന്തമാക്കാന്‍ താല്‍പര്യപ്പെട്ടിരുന്നു. എന്നാല്‍ വമ്പന്‍ തുക കൊടുത്ത് താരത്തെ സ്വന്തമാക്കാന്‍ സാധിക്കില്ലെന്ന് റയല്‍ വ്യക്തമാക്കി. ഇതോടെ യുനൈറ്റഡിന് താരത്തിന് കാര്യത്തില്‍ വെല്ലുവിളികളില്ലാതായി. വരും ദിവസങ്ങളില്‍ താരവുമായി ക്ലബ് കരാറൊപ്പിട്ടേക്കും.