ദമാം: ജുബൈല്‍ എസ്.വൈ.എസ്, എസ്.കെ.ഐ.സി സെന്‍ട്രല്‍ കമ്മിറ്റിയുടെ കീഴില്‍ പ്രവര്‍ത്തിക്കുന്ന ദാറുല്‍ ഫൗസ് മദ്രസയില്‍ എസ് കെ എസ് ബി വി പുതിയ കമ്മിറ്റി നിലവില്‍ വന്നു. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അംഗീകാരത്തോടെയാണ് മദ്രസ പ്രവര്‍ത്തിക്കുന്നത്. മദ്രസ ഓഡിറ്റോറിയത്തില്‍ നടന്ന തിരഞ്ഞെടുപ്പ് യോഗത്തില്‍ സുലൈമാന്‍ ഖാസിമി കാസര്‍ഗോഡ് അദ്ധ്യക്ഷനായി.

മുഹമ്മദ് ദാരിമി കാസര്‍ഗോഡ് ഉദ്ഘാടനം ചെയ്തു. ടി കെ എം റാഫി ഹുദവി തൃശ്ശൂര്‍ മുഖ്യ വിഷയാവതരണം നടത്തി. റിയാസ് മൗലവി, മുഹമ്മദ് സ്വാലിഹ്, ഹുദൈഫ് എന്നിവര്‍ സംസാരിച്ചു. സ്വദര്‍ മുഅല്ലിം സ്വദര്‍ മുഅല്ലിം ഇബ്രാഹിം ദാരിമി കാസര്‍ഗോഡ് സ്വാഗതവും മുഹമ്മദ് സിയാദ് നന്ദിയും പറഞ്ഞു.

പുതിയ ഭാരവാഹികള്‍: മുഹമ്മദ് സ്വാലിഹ് (പസിഡന്റ്), ഹുദൈഫ് (വൈസ് പ്രസിഡന്റ്), മുഹമ്മദ് റസ്‌ലം (ജനറല്‍ സെക്രട്ടറി), മുഹമ്മദ് സിയാദ് (ജൊ.സെക്രട്ടറി), റിയാസ് മൗലവി ഒറ്റപ്പാലം (ട്രഷറര്‍), മദ്രസ ലീഡര്‍മാരായി റഷാദ് ഇബ്‌റാഹിം, ഫാത്തിമ മെഹ്‌റ എന്നിവരെയും അസിറ്റന്റ് ലീഡര്‍മാരായി അസ്‌ലം, ഫാതിമ നാദ എന്നിവരേയും തെരഞ്ഞെടുത്തു.