കൊച്ചി : ഐ.ജി.യുടെ നിര്‍ദേശത്തില്‍ നഗരത്തിലെ ഡേകെയറുകള്‍ പൊലിസ് അന്വേഷണം ആരംഭിച്ചു. പാലാരിവട്ടത്തെ സംഭവം ഉണ്ടായത് മുതല്‍ എല്ലാ ഡേകെയറുകളുടെയും വിവരങ്ങള്‍ ശേഖരിക്കുന്നുണ്ട്. രഹസ്യാന്വേഷണം പല രീതിയില്‍ പൊലിസ് നടത്തുന്നുണ്ടെന്ന് അധികൃതര്‍ അറിയിച്ചു. നിലവില്‍ ഡേകെയറുകള്‍ സംബന്ധിച്ച് പരാതികള്‍ ലഭിച്ചിട്ടുണ്ടോ എന്നും ഡേകെയറുകളില്‍ കുട്ടികളോട് മോശമായി പെരുമാറുന്നുണ്ടോ എന്നും അന്വേഷിക്കും. സാമൂഹിക വകുപ്പും, നഗരസഭയും സ്ഥാപനങ്ങള്‍ സംബന്ധിച്ച് രജിസ്റ്റര്‍ സംബന്ധിച്ചും ലൈസന്‍സിംഗ് സംബന്ധിച്ചുമുള്ള തീരുമാനങ്ങള്‍ എടുക്കും. പരിശോധന രണ്ട്മൂന്ന് ദിവസം കൊണ്ട് മാത്രമേ പൂര്‍ത്തിയാവുകയുള്ളു. അതിന് ശേഷം വിശദമായി പഠിച്ച് റിപ്പോര്‍ട്ട് തയ്യാറാക്കുമെന്നും സ്‌പെഷ്യല്‍ ബ്രാഞ്ച് അറിയിച്ചു.