വടക്കാഞ്ചേരി: ചെറുതുരുത്തി പൊന്നാനി സംസ്ഥാനപാതയില്‍ നമ്പ്യാര്‍ പള്ളത്ത് കരിമ്പുലിയെ കണ്ടെത്തിയെന്ന വാര്‍ത്തക്ക്  സ്ഥിരീകരണമില്ലെന്നും, വ്യക്തമായ തെളിവുകള്‍ ലഭിച്ചിട്ടില്ലെന്നും വനം വകുപ്പ് ഉദ്യോഗസ്ഥര്‍ അറിയിച്ചു.
 പുലിയെ കണ്ടുവെന്ന് നാട്ടുകാര്‍ പറയുന്ന സ്ഥലത്ത് വിശദമായ തിരച്ചില്‍ നടത്തിയെങ്കിലും ഒന്നും കണ്ടെത്താനായില്ല. എന്നാല്‍ മൊബൈലില്‍ പകര്‍ത്തിയ കാല്‍പാദത്തിന്റെ  ദൃശ്യങ്ങള്‍ പുലിയുടെ കാല്‍പ്പാദത്തോട് സാമ്യമുള്ളതാണ്. ഇതിന്റെ അടിസ്ഥാനത്തില്‍ മേഖലയില്‍ ജാഗ്രത തുടരും.
എന്നാല്‍ ലഭ്യമായ തെളിവുകളനുസരിച്ച് പുലി ഉണ്ടെന്ന് സ്ഥിരീകരിക്കാനാകില്ലെന്നും അധികൃതര്‍ പറയുന്നു. പരിസരത്തെ വീടുകളില്‍ നിന്ന് വളര്‍ത്ത് മൃഗങ്ങള്‍ നഷ്ടപ്പെടുകയോ ആക്രമിക്കപ്പെടുകയോ ചെയ്തിട്ടില്ലെന്നും പൂങ്ങോട് ഫോറസ്റ്റ് ഓഫിസര്‍ കെ.ടി സജീവ് അറിയിച്ചു.