കോഴിക്കോട്:എസ്.കെ.എസ്.എസ്.എഫ് 'ലീഡര്‍ 2020' പദ്ധതിയുടെ ഭാഗമായി സംഘടിപ്പിച്ച സഹവാസ ക്യാംപ് സമാപിച്ചു. സമാപന സംഗമം പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു.
രണ്ട് ദിവസത്തെ ക്യാംപില്‍ മജ്‌ലിസുന്നൂര്‍ ആത്മീയ സദസ്, ഇശല്‍ നിലാവ് തസ്ഫിയ, റോള്‍ കാള്‍, ബ്രിഡിജിങ്, ഗെയിം ഫോള്‍ നെയിം ആന്‍ഡ് ഗെയ്ന്‍, ഇസ്തിഖാമ, പാനല്‍ ഡിസ്‌കഷന്‍ തുടങ്ങിയവ വിവിധ സെഷനുകളിലായി നടന്നു.
അത്തിപ്പറ്റ മുഹ്‌യുദ്ധീന്‍ കുട്ടി മുസ്‌ലിയാര്‍, സത്താര്‍ പന്തലൂര്‍, സാലിം ഫൈസി കൊളത്തൂര്‍, ഹബീബ് ഫൈസി കോട്ടോപാടം, ഉമര്‍ ഫാറൂഖ് ഹുദവി പാലത്തിങ്ങല്‍, അബ്ദുല്‍ വാഹിദ് മുസ്‌ലിയാര്‍, അബ്ദുല്‍ ജലീല്‍ ഹുദവി ബാലയില്‍, അബ്ദുസ്സലാം ഹുദവി പട്ടാമ്പി, പ്രൊഫ. ഖമറുദ്ദീന്‍ പരപ്പില്‍, ശാഫി മാസ്റ്റര്‍ ആട്ടീരി, യാസിര്‍ വാഫി, ഡോ. ജാബിര്‍ ഹുദവി സംസാരിച്ചു.