തൊടുപുഴ :ലോക പുകയില വിരുദ്ധ ദിനമായ 31ന് തൊടുപുഴ റോട്ടറി ക്ലബിന്റെ നേതൃത്വത്തില്‍ പുകയിലക്കും മയക്കുമരുന്നിനും എതിരായി തൊടുപുഴയില്‍ മിനി മാരത്തോണ്‍ നടത്തും. രാവിലെ 7.30ന് കൊച്ചി റേഞ്ച് ഐ.ജി പി. വിജയന്‍ ഫ്‌ളാഗ് ഓഫ് ചെയ്യും. ന്യൂമാന്‍ കോളജില്‍ നിന്നും ആരംഭിച്ചു റിങ് റോഡിലൂടെ പത്തു കിലോമീറ്റര്‍ ഓടിയെത്തുന്ന വിജയികള്‍ക്ക് ന്യൂമാന്‍ കോളജ് അങ്കണത്തില്‍ നടക്കുന്ന ചടങ്ങില്‍ വിശിഷ്ട വ്യക്തികള്‍ സമ്മാന ദാനം നിര്‍വഹിക്കും.