തിരുവനന്തപുരം: യൂനിവേഴ്‌സിറ്റി കോളജിലെ വിദ്യാര്‍ഥിയെ കുത്തിപ്പരുക്കേല്‍പ്പിച്ച കേസില്‍ പുറത്തിറക്കിയ ലുക്കൗട്ട് നോട്ടിസിലെ മൂന്ന് പ്രതികളെ പൊലിസ് പിടികൂടി.എസ്.എഫ്.ഐ യൂനിറ്റ് കമ്മിറ്റി അംഗങ്ങളും കേസിലെ നാല്, അഞ്ച്, ആറ് പ്രതികളുമായ അദ്വൈത്, ആദില്‍, ആരോമല്‍ എന്നിവരാണ് പൊലിസിന്റെ പിടിയിലായത്.

ലുക്കൗട്ട് നോട്ടിസിലുള്ള ശിവരഞ്ജിത്ത്, നസീം, അമര്‍, ഇബ്രാഹിം, രഞ്ജിത്ത് എന്നി പ്രതികളാണ് ഇനി പിടിയിലാകാനുള്ളത്. പൊലിസ് നേരത്തെ കേസില്‍ ഉള്‍പ്പെട്ട നേമം സ്വദേശിയായ ഇജാബിന്റെ അറസ്റ്റ് രേഖപ്പെടുത്തിയിരുന്നു. 30 പേരാണ് പ്രതിപ്പട്ടികയില്‍ ആകെയുള്ളത്. ഇവരെയെല്ലാവരെയും ഇന്ന് മജിസ്‌ട്രേറ്റിന് മുന്‍പാകെ ഹാജരാക്കും.