ലോഡ്‌സ്: ലോകകപ്പ് ക്രിക്കറ്റില്‍ കന്നികിരീടം സ്വന്തമാക്കുക എന്ന ലക്ഷ്യത്തോടെ ഇരുടീമുകള്‍ മത്സരിക്കുമ്പോള്‍ ന്യൂസിലന്‍ഡിനെ പരാജയപ്പെടുത്തി ഇംഗ്ലണ്ടി ന് ജയിക്കാന്‍ വേണ്ടത് 242 റണ്‍സ്. മറുപടി ബാറ്റിങ്ങിനിറങ്ങിയ ഇംഗ്ലണ്ട് ആറ് ഓവറില്‍ ഒരു വിക്കറ്റിന് 28 റണ്‍സ് എന്ന നിലയിലാണ്. ബെയര്‍‌സ്റ്റോയും റൂട്ട്‌സുമാണ് ഇപ്പോള്‍ ക്രീസില്‍.

17 റണ്‍സെടുത്ത ഓപ്പണിങ് ബാറ്റ്‌സ്മാന്‍ റോയ് ഹെന്റിയുടെ പന്തില്‍ പുറത്താവുകയായിരുന്നു. നേരത്തേ ടോസ് നേടി ബാറ്റിങ് തെരഞ്ഞെടുത്ത ന്യൂസിലന്‍ഡ് നിശ്ചിത 50 ഓവറില്‍ എട്ട് വിക്കറ്റ് നഷ്ടത്തില്‍ 241 റണ്‍സ് നേടിയിരുന്നു. ഓപ്പണിങ് ബാറ്റസ്മാന്‍ ഹെന്റി നിക്കോള്‍സിന്റെ അര്‍ധസെഞ്ചുറിയു(55)ടെയും വിക്കറ്റ് കീപ്പര്‍ ബാറ്റ്‌സ്മാന്‍ ടോം ലാഥന്റെയും (47) കരുത്തിലാണ് കീവീസ് ഭേദപ്പെട്ട സ്‌കോറില്‍ എത്തിയത്.

ഇവര്‍ ഒഴികെ കിവീസ് ബാറ്റിങ് നിരയില്‍ ആര്‍ക്കും തിളങ്ങാനായില്ല. ലോഡ്‌സിലെ പിച്ചില്‍ റണ്‍ കണ്ടെത്താനാകാതെ വിഷമിച്ച ന്യൂസിലന്‍ഡിന് അവസാന ഓവറുകളില്‍ പോലും കാര്യമായി ഫോര്‍ അടിക്കാനായില്ല.
ഇംഗ്ലണ്ടിനായി ക്രിസ് വോക്‌സും ലിയാം പ്ലങ്കറ്റും മൂന്ന് വീതം വിക്കറ്റെടുത്തു.