താമരശേരി: പുതുപ്പാടി പകര്‍ച്ചവ്യാധി പ്രതിരോധ പ്രവര്‍ത്തനത്തിന്റെ ഭാഗമായി പുതുപ്പാടി ഗ്രാമപഞ്ചായത്തിന്റെയും പ്രാഥമിക ആരോഗ്യ കേന്ദ്രത്തിന്റെയും നേതൃത്വത്തില്‍ ഈങ്ങാപ്പുഴയില്‍ ശുചിത്വ ഹര്‍ത്താല്‍ നടത്തി. രാവിലെ വ്യാപാരികള്‍ കടകളടച്ച് മാലിന്യ നിര്‍മാര്‍ജന പ്രവര്‍ത്തനങ്ങളില്‍ പങ്കാളികളായി. ശുചീകരണ പ്രവര്‍ത്തനങ്ങള്‍ ഗ്രാമ പഞ്ചായത്ത് വൈസ് പ്രസിഡന്റ് കുട്ടിയമ്മ മാണി ഉദ്ഘാടനം ചെയ്തു. ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ എം.ഇ ജലീല്‍ അധ്യക്ഷനായി. മെഡിക്കല്‍ ഓഫിസര്‍ ഡോ. കെ.വേണുഗോപാലന്‍, റീന ബഷീര്‍, ഒ.കെ ജനാര്‍ദ്ധനന്‍, മൊയ്തീന്‍കുട്ടി, കെ.ടി ഗീത സംസാരിച്ചു.