തളിപ്പറമ്പ്: ആന്തൂര്‍ സംഭവത്തില്‍ സി.പി.എം ശിഖണ്ഡികളെപ്പോലെയാണ് പെരുമാറുന്നതെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍.
ഡി.സി.സി പ്രസിഡന്റ് സതീശന്‍ പാച്ചേനി നയിച്ച കോണ്‍ഗ്രസ് പദയാത്രയുടെ സമാപനം ഉദ്ഘാടനം ചെയ്യുകയായിരുന്നു അദ്ദേഹം. ഭരണകൂട ഭീകരതയുടെ ഇരയാണ് സാജന്‍.
ഭര്‍ത്താവ് നഷ്ടപ്പെട്ട ഭാര്യയുടെ മൊഴി കൃത്യമായി രേഖപ്പെടുത്താന്‍ പൊലിസ് തയാറായിട്ടില്ല. ഇപ്പോള്‍ ശിഖണ്ഡികള്‍ വാട്‌സ്ആപ്പിലൂടെയും ഫേസ്ബുക്കിലൂടെയും സാജന്റെ കുടുംബത്തെ അധിക്ഷേപിക്കുകയാണ്. അന്വേഷണം ശരിയായ ദിശയില്‍ നടന്നാല്‍ സി.പി.എം നേതാക്കള്‍ പ്രതിക്കൂട്ടിലാകുമെന്ന സ്ഥിതി വന്നതോടെയാണ് ഈ ആക്രമണം തുടങ്ങിയതെന്നും അദ്ദേഹം പറഞ്ഞു.