ലണ്ടന്‍: ഇന്നലത്തെ മത്സരത്തോടെ ന്യൂസിലന്‍ഡ് നായകന്‍ കെയ്ന്‍ വില്യംസണ്‍ പുതിയൊരു റെക്കോര്‍ഡ് സ്വന്തമാക്കി. ഒരു ലോകകപ്പില്‍ ഏറ്റവുമധികം റണ്‍സ് നേടുന്ന നായകന്‍ എന്ന റെക്കോര്‍ഡാണ് ന്യൂസിലന്‍ഡ് ക്യാപ്റ്റന്‍ സ്വന്തമാക്കിയത്. ഇന്നലത്തെ മത്സരത്തില്‍ 30 റണ്‍സ് കണ്ടെത്തി 578 റണ്‍സാണ് വില്യംസണ്‍ സ്വന്തമാക്കിയത്.
2007 ലോകകപ്പില്‍ 548 റണ്‍സ് നേടിയ ശ്രീലങ്കന്‍ ക്യാപ്റ്റന്‍ മഹേല ജയവര്‍ധനയുടെ റെക്കോര്‍ഡാണ് കെയ്ന്‍ വില്യംസണ്‍ തകര്‍ത്തത്. എന്നാല്‍ ടൂര്‍ണമെന്റില്‍ ഏറ്റവും കൂടുതല്‍ റണ്‍സെടുക്കുന്ന താരമെന്ന നേട്ടം സ്വന്തമാക്കാന്‍ വില്യംസണ് കഴിഞ്ഞില്ല.