കോഴിക്കോട്: വൈക്കം മുഹമ്മദ് ബഷീര്‍ അനുസ്മരണ വേദിയുടെ ബഷീര്‍ പുരസ്‌കാരങ്ങള്‍ക്ക് ചലചിത്ര നടന്‍ മാമുക്കോയ, ഗാനരചയിതാവ് കൈതപ്രം ദാമോദരന്‍ നമ്പൂതിരി, സാഹിത്യകാരന്‍ ശത്രുഘ്‌നന്‍, കഥാകൃത്ത് ഡോ. പി.സജീവ്കുമാര്‍ തൃശൂര്‍ എന്നിവരെ തെരഞ്ഞെടുത്തു.
പതിനായിരം രൂപയും ശില്‍പവും പ്രശസ്തിപത്രവുമടങ്ങിയ പുരസ്‌കാരം ജൂലൈ ഒന്നിന് വൈകിട്ട് നാലിന് കോഴിക്കോട്ട് നടക്കുന്ന ചടങ്ങില്‍ സമ്മാനിക്കുമെന്ന് ജനറല്‍ കണ്‍വീനര്‍ റഹീം പൂവാട്ടുപറമ്പ് അറിയിച്ചു.