ചെന്നൈ: കേന്ദ്ര സര്‍ക്കാറിനും പ്രധാനമന്ത്രിക്കുമെതിരെ രൂക്ഷ വിമര്‍ശനവുമായി തെന്നിന്ത്യന്‍ നടന്‍ കമല്‍ ഹാസന്‍ വീണ്ടും. ഈയിടെ പ്രധാനമന്ത്രി നരേന്ദ്രമോദി ശിലാസ്ഥാപനം നിര്‍വഹിച്ചപുതിയ പാര്‍ലമെന്റ് മന്ദിരത്തിന്റെ നിര്‍മാണം ചൂണ്ടിക്കാട്ടിയാണ് അദ്ദേഹത്തിന്റെ വിമര്‍ശനം. രാജ്യത്തിന്റെ സാമ്പത്തിക സ്ഥിത് രൂക്ഷമായ വെല്ലുവിളി നേരിടുന്ന ഈ അവസരത്തില്‍ ഇത്രയും വലിയ ഒരു ചെലവിന്‍രെ ആവശ്യമെന്താണ് എന്നായിരുന്നു അദ്ദേഹത്തിന്റെ ചോദ്യം.

' ഇന്ത്യയിലെ പകുതിയിലധികെ ജനങ്ങളും പട്ടിണി കിടക്കുമ്പോള്‍ എന്തിനാണ് കോടികളുടെ ഒരു പാര്‍ലമെന്റ് മന്ദിരം. ചൈന വന്‍മതില്‍ നിര്‍മിക്കുമ്പോള്‍ ആയിരങ്ങളാണ് മരിച്ചത്. ജനങ്ങളുടെ രക്ഷക്കെന്നാണ് അന്ന് അധികാരികള്‍ പറഞ്ഞിരുന്നത്. ആരെ രക്ഷിക്കാനാണ് നിങ്ങള്‍ ആയിരം കോടികൊണ്ട് പാര്‍ലമെന്റ് മന്ദിരം പണിയുന്നത്. തെരഞ്ഞെടുക്കപ്പെട്ട ബഹുമാന്യനായ പ്രധാനമന്ത്രി ഇതിന് ഉത്തരം നല്‍കണം'- കമല്‍ഹാസന്‍ പറഞ്ഞു.

ഡിസംബര്‍ 10നാണ് പ്രധാനമന്ത്രി മന്ദിരത്തിന് തറക്കല്ലിട്ടത്. 64,500 സ്‌ക്വയര്‍മീറ്ററില്‍ നാലുനിലകളിലായി ഉയരുന്ന പുതിയ പാര്‍ലമെന്റ് മന്ദിരത്തിന് 970 കോടി രൂപയാണ് ചെലവ് .