ലണ്ടന്‍: വിംബിള്‍ഡണ്‍ പുരുഷ കിരീടം സെര്‍ബിയയുടെ നോവാക് ജോക്കോവിച്ചിന്. ഫൈനലിലെ ഇഞ്ചോടിഞ്ച് റോജര്‍ ഫെഡററെയാണ് തോല്‍പ്പിച്ചത്. സ്‌കോര്‍ 7-6,1-6, 7-6, 4-6, 13-12.

പ്രായം തളര്‍ത്താത്ത പോരാട്ടവീര്യവുമായി ഫെഡററും കിരീടത്തില്‍ കുറഞ്ഞൊന്നില്ലെന്ന തീരുമാനവുമായി ജോക്കോവിച്ചും നിറഞ്ഞാടിയപ്പോള്‍ വിംബിള്‍ഡണ്‍ സിംഗിള്‍സിലെ ഏറ്റവും ദൈര്‍ഘ്യമേറിയ ഫൈനലിനലാണ് ലണ്ടനിലെ സെന്റര്‍ കോര്‍ട്ട് സാക്ഷ്യം വഹിച്ചത്. 4 മണിക്കൂര്‍ 57 മിനുട്ടായിരുന്നു
കലാശപ്പോരിന്റെ ദൈര്‍ഘ്യം.

കരിയറിലെ പതിനാറാം ഗ്രാന്‍ഡ്സ്ലാം കിരീടമാണ് ജോക്കോവിച്ച് സ്വന്തമാക്കിയത്. വിംബിള്‍ഡണില്‍ ആകെ അഞ്ച് തവണ കിരീടമണിഞ്ഞ ജോക്കോവിച്ചിന്റെ തുടര്‍ച്ചയായ രണ്ടാം കിരീടവുമാണിത്.