റിയാദ്: അമേരിക്കൻ പ്രസിഡന്റ് ഡൊണാൾഡ് ട്രംപ് സഊദി ഭരണാധികാരി സൽമാൻ ബിൻ അബ്ദുൽ അസീസ് രാജാവുമായി ടെലഫോണിൽ ബന്ധപ്പെട്ടു സംഭാഷണം നടത്തി.  മേഖലയിലെ നിലവിലെ സ്ഥിതി വിശേഷങ്ങളും ആഗോളതലത്തിലെ നയതന്ത്ര ബന്ധങ്ങളും പ്രശ്‌നങ്ങളും ഇരു നേതാക്കളും സംസാരിച്ചു. ആഗോള സാമ്പത്തിക വളർച്ചയെ കാര്യമായി സ്വാധീനിക്കുന്ന എണ്ണ വിപണിയിൽ സ്ഥിരത നിലനിർത്തുന്നതിനാവശ്യമായ കാര്യങ്ങൾ നടപ്പിലാക്കാൻ ഇരു രാജ്യങ്ങളും തമ്മിൽ യോജിച്ചു നീങ്ങാനും രാജ്യാന്തര വിപണിയിൽ വിതരണം കുറയാതെ നോക്കുന്നതിനുള്ള കാര്യങ്ങളെ കുറിച്ചും ഇരുവരും ചർച്ച നടത്തിയതായും ബന്ധപ്പെട്ട കേന്ദ്രങ്ങൾ വ്യക്തമാക്കി.