ശ്രീനഗര്‍: കശ്മീരിലെ കുപ്‌വാര ജില്ലയിലെ നിയന്ത്രണരേഖയ്ക്ക് സമീപമുണ്ടായ ഏറ്റുമുട്ടലില്‍ സൈന്യം രണ്ട് ഭീകരരെ വധിച്ചു. സംഭവത്തില്‍ രണ്ട് സൈനികരും കൊല്ലപ്പെട്ടു.

ഇന്നലെ രാത്രിയിലാണ് ഏറ്റുമുട്ടലുണ്ടായത്. ആയുധധാരികളായ ഭീകരര്‍ സൈന്യത്തിനു നേരെ വെടിയുതിര്‍ക്കുകയായിരുന്നുവെന്ന് സൈനിക ഉദ്യോഗസ്ഥന്‍ പറഞ്ഞു. സൈന്യം നടത്തിയ പ്രത്യാക്രമണത്തില്‍ രണ്ട് ഭീകരരെ വധിച്ചു. സംഭവത്തില്‍ ഒരു സൈനികന് പരുക്കേറ്റിട്ടുണ്ട്.

പ്രദേശത്ത് സ്ഥിതിഗതികള്‍ ഇതുവരെ ശാന്തമായിട്ടില്ല. ഏറ്റുമുട്ടല്‍ തുടരുകയാണ്. സംഭവസ്ഥലത്തുനിന്നും രണ്ട് എ.കെ 45 തോക്കുകള്‍ മറ്റ് ആയുധങ്ങളും സൈന്യം പിടിച്ചെടുത്തിട്ടുണ്ട്.

നുംകാം മേഖലയില്‍ ഈയാഴ്ച്ച നടക്കുന്ന രണ്ടാമത്തെ ഏറ്റുമുട്ടലാണിത്. ജൂലൈ 26 ന് നടന്ന ഏറ്റുമുട്ടലില്‍ നാല് സൈനികര്‍ കൊല്ലപ്പെട്ടിരുന്നു.