ചേളാരി: 'നന്‍മകൊണ്ടു നാടൊരുക്കാം, വിദ്യകൊണ്ടു കൂടുതീര്‍ക്കാം' എന്ന പ്രമേയത്തില്‍ ഡിസംബര്‍ 24, 25, 26 തിയതികളില്‍ മലപ്പുറം ബൈത്തുല്‍ ഹിക്മയില്‍ നടക്കുന്ന എസ്.കെ.എസ്.ബി.വി സില്‍വര്‍ ജൂബിലി സമ്മേളനത്തിനു മുന്നോടിയായുള്ള ജില്ലാ സമ്മേളനങ്ങള്‍ ഇന്നു തുടങ്ങും.
മലപ്പുറം വെസ്റ്റ് ജില്ലാ സമ്മേളനം ഇന്നു പൊന്നാനി ഉമറലി തങ്ങള്‍ നഗറില്‍ നടക്കും. സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍, ബഷീര്‍ ഫൈസി ദേശമംഗലം, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, സയ്യിദ് ആബിദ് ഹുസൈന്‍ തങ്ങള്‍ എം.എല്‍.എ, അബ്ദുല്‍ ഖാദര്‍ അല്‍ ഖാസിമി, പുറങ്ങ് മൊയ്തീന്‍ മുസ്‌ലിയാര്‍, അഫ്‌സല്‍ രാമന്തളി, ഫുആദ് വെള്ളിമാട്കുന്ന്, റബീഉദ്ദീന്‍ വെന്നിയൂര്‍ സംബന്ധിക്കും.
കോഴിക്കോട്, തൃശൂര്‍, പാലക്കാട് ജില്ലകളില്‍ 13, 14, മലപ്പുറം ഈസ്റ്റില്‍ 10, 11, കണ്ണൂരില്‍ ഡിസംബര്‍ ഒന്ന്, രണ്ട് എന്നിങ്ങനെ തിയതികളിലാണ് സമ്മേളനം. കാസര്‍കോട്, ആലപ്പുഴ, എറണാകുളം, കുടക്, വയനാട്, ഇടുക്കി, കൊല്ലം, കോട്ടയം, തിരുവനന്തപുരം ജില്ലകളിലെ സമ്മേളനം നവംബറില്‍ നടക്കും. വിവിധ ജില്ലകളില്‍ സമ്മേളനത്തോടനുബന്ധിച്ചു പ്രതിനിധി സമ്മേളനം, കൗണ്‍സില്‍ മീറ്റ്, റാലി, പൊതുസമ്മേളനം, ഓര്‍മ സംഗമം, അവാര്‍ഡ് ദാനം, പ്രചാരണ യാത്രകള്‍ എന്നിവ നടക്കും.