അങ്കാറ: തുര്‍ക്കിയിലെ തെക്കുകിഴക്കന്‍ പ്രവിശ്യയില്‍ സൈനിക താവളം ആക്രമിക്കാന്‍ ശ്രമിച്ച 35 കുര്‍ദ് പോരാളികളെ വധിച്ചതായി തുര്‍ക്കി സൈന്യം. ഹക്കാരി സൈനിക താവളം ആക്രമിക്കാനാണ് കുര്‍ദുകള്‍ ശ്രമിച്ചത്. ശനിയാഴ്ച അതിരാവിലെയായിരുന്നു ഇത്. കുര്‍ദിസ്ഥാന്‍ വര്‍ക്കേഴ്‌സ് പാര്‍ട്ടിയുടെ (പി.കെ.കെ) പ്രവര്‍ത്തകരാണ് കൊല്ലപ്പെട്ടത്.

മൂന്നു ഗ്രൂപ്പുകളിലെ തീവ്രവാദികളാണ് സംഘത്തിലുണ്ടായിരുന്നത്. തുടര്‍ന്ന് നടന്ന വ്യോമാക്രമണങ്ങളിലാണ് 23 കുര്‍ദ് പോരാളികള്‍ കൊല്ലപ്പെട്ടത്. കരയാക്രമണത്തിലാണ് നാലുപേര്‍ കൊല്ലപ്പെട്ടത്. വെള്ളിയാഴ്ച നടന്ന ആക്രമണത്തിലും എട്ടു കുര്‍ദുകള്‍ കൊല്ലപ്പെട്ടു. ചുകുര്‍ക്കയ്ക്ക് സമീപം നടന്ന വെടിവയ്പിലാണ് ഇവര്‍ കൊല്ലപ്പെട്ടത്.