കോഴിക്കോട്: എസ്.കെ.എസ്.എസ്.എഫ് ട്രൈസനേറിയം ആഘോഷങ്ങളുടെ ഭാഗമായി ജില്ലാ സംഗമങ്ങള്‍ നടക്കും. 'നിലപാടുകളുടെ കരുത്ത്, വ്യതിയാനങ്ങളുടെ തിരുത്ത്' എന്ന പ്രമേയവുമായി ഒരു വര്‍ഷം നടക്കുന്ന പരിപാടികളുടെ ഭാഗമായാണ് ജില്ലാതല ട്രൈസനേറിയം മീറ്റുകള്‍ നടക്കുന്നത്. ഓഗസ്റ്റ് 30, 31 തിയതികളില്‍ ഡല്‍ഹിയില്‍ നടക്കുന്ന ദേശീയ പ്രതിനിധി സംഗമം, സ്വാതന്ത്ര്യ ദിനത്തില്‍ മേഖലാ തലത്തില്‍ സംഘടിപ്പിക്കുന്ന ഫ്രീഡം സ്‌ക്വയര്‍, സെപ്റ്റംബറില്‍ നടക്കാനിരിക്കുന്ന ക്ലസ്റ്റര്‍ കോണ്‍ഫറന്‍സുകള്‍, ട്രൈസനേറിയം പദ്ധതികള്‍ തുടങ്ങിയവ മീറ്റില്‍ ചര്‍ച്ച ചെയ്യും. പ്രമേയ വിശകലനം, പദ്ധതി അവതരണം, തസ്‌കിയ, ഗ്രൂപ്പ് ചര്‍ച്ച തുടങ്ങിയവയും മീറ്റില്‍ നടക്കും.
ട്രൈസനേറിയം മീറ്റുകളുടെ സംസ്ഥാനതല ഉദ്ഘാടനം 21 ന് ഞായറാഴ്ച കാലത്ത് 10ന് തൃശൂര്‍ ജില്ലയിലെ പാലപ്പിള്ളി ദാറുതഖ്‌വ അറബിക് കോളജ് ഓഡിറ്റോറിയത്തില്‍ നടക്കും. സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ ഉദ്ഘാടനം നിര്‍വഹിക്കും. ജൂലൈ 22 തിരുവനന്തപുരം, 26 പാലക്കാട്, 27 വയനാട്, 28 എറണാകുളം, കോഴിക്കോട്, 31 ഇടുക്കി, ആലപ്പുഴ, മലപ്പുറം ഈസ്റ്റ്, വെസ്റ്റ്, കണ്ണൂര്‍, കാസര്‍കോട്, ദക്ഷിണ കന്നഡ എന്നിവിടങ്ങളിലും ഓഗസ്റ്റ് രണ്ടിന് കോട്ടയത്തും ട്രൈസനേറിയം മീറ്റ് നടക്കും.