കോഴിക്കോട്: ഒക്ടോബര്‍ 13ന് കോഴിക്കോട്ട് നടക്കുന്ന സമസ്ത ശരീഅത്ത് സമ്മേളനത്തിന്റെ ഭാഗമായി കോഴിക്കോട് ജില്ലാ ഖാസി, ഖത്വീബ് സംഗമം ബുധനാഴ്ച ഉച്ചയ്ക്ക് രണ്ടിന് കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും.
സംസ്ഥാന പ്രതിനിധി മുസ്തഫ അഷ്‌റഫി കക്കുപ്പടി 'മുത്വലാഖ് ഓര്‍ഡിനന്‍സും ആനുകാലിക സാഹചര്യങ്ങളും' വിഷയത്തില്‍ ക്ലാസെടുക്കും. ജില്ലയിലെ മുഴുവന്‍ ഖാസി, ഖത്വീബുമാരും സംഗമത്തില്‍ പങ്കെടുക്കണമെന്ന് സമസ്ത കേരള ജംഇയ്യത്തുല്‍ ഖുത്വബാ ജില്ലാ പ്രസിഡന്റ് ടി.വി.സി അബ്ദുസ്സമദ് ഫൈസിയും ജനറല്‍ സെക്രട്ടറി ഇ.ടി അസീസ് ദാരിമിയും അഭ്യര്‍ഥിച്ചു.