തിരുവനന്തപുരം: വിഴിഞ്ഞം തുറമുഖവുമായി ബന്ധപ്പെട്ട് സി.എ.ജി പുറത്തിറക്കിയ റിപ്പോര്‍ട്ടില്‍ ക്രമക്കേടെന്ന് എം. വിന്‍സെന്റ് എം.എല്‍.എ. വിഴിഞ്ഞത്തിനെതിരേ ലേഖനമെഴുതിയ ആര്‍. തുളസീധരനെ തന്നെ സി.എ.ജി റിപ്പോര്‍ട്ട് തയാറാക്കുന്ന സമിതിയുടെ കണ്‍സള്‍ട്ടന്റായി നിയോഗിച്ചതില്‍ ദുരൂഹതയുണ്ട്. ഇയാള്‍ എട്ടു ദിവസം കണ്‍സള്‍ട്ടന്റായി ജോലി ചെയ്തു. പിന്നീട് ലേഖനം ശ്രദ്ധയില്‍പ്പെട്ടതോടെ കണ്‍സള്‍ട്ടന്റ് സ്ഥാനത്തുനിന്ന് നീക്കം ചെയ്തു. എന്നാല്‍, ഇയാളുടെ നിര്‍ദേശങ്ങള്‍ സമിതി അംഗങ്ങള്‍ സ്വീകരിച്ചെന്നും വിന്‍സെന്റ് പറഞ്ഞു.