ലാഹോര്‍: പാകിസ്താനില്‍ കാമുകന്മാരെ വിവാഹം കഴിക്കാന്‍ തീരുമാനിച്ച സഹോദരിമാരെ സഹോദരന്‍ വെടിവച്ചു കൊന്നു. കൗസര്‍ (22), ഗുല്‍സര്‍ ബിബി (28) എന്നിവരാണ് കൊല്ലപ്പെട്ടത്. 35 കാരനായ സഹോദരന്‍ നാസിര്‍ ഹുസൈനെ അറസ്റ്റ് ചെയ്തതായി പൊലിസ് ഓഫിസര്‍ മെഹര്‍ റിയാസ് പറഞ്ഞു. പഞ്ചാബ് പ്രവിശ്യയിലാണ് ദുരഭിമാനക്കൊലപാതകമെന്ന് സംശയിക്കുന്ന സംഭവം നടന്നത്.

സഹോദരിമാരുടെ വിവാഹത്തെ നാസിര്‍ എതിര്‍ത്തിരുന്നുവെന്നും കുടുംബത്തില്‍ തന്നെയുള്ളവരെയാണ് ഇവര്‍ വിവാഹം കഴിക്കാന്‍ തീരുമാനിച്ചതെന്നും പൊലിസ് പറഞ്ഞു. തുടര്‍ന്നാണ് ഇരുവരെയും കൊല്ലപ്പെട്ടനിലയില്‍ കണ്ടെത്തിയത്. എന്നാല്‍ മക്കളെ കൊന്ന മകനെതിരേ യുവതികളുടെ പിതാവ് അട്ട മുഹമ്മദ് രംഗത്തുവന്നു.