ലഖ്‌നൗ: ഉത്തര്‍പ്രദേശ് സര്‍ക്കാര്‍ സംസ്ഥാനത്ത് ഏകാധിപത്യം അടിച്ചേല്‍പ്പിക്കുന്നുവെന്ന് കോണ്‍ഗ്രസ് ജന. സെക്രട്ടറി പ്രിയങ്കാ ഗാന്ധി. അലഹബാദ് സര്‍വകലാശാലയില്‍ വിദ്യാര്‍ഥി യൂനിയന്‍ പിരിച്ചുവിടുകയും കോണ്‍ഗ്രസിന്റെ വിദ്യാര്‍ഥി സംഘടന എന്‍.എസ്.യു.ഐയെ കരിമ്പട്ടികയില്‍ പെടുത്തുകയും ചെയ്ത സംഭവത്തോട് പ്രതികരിക്കുകയായിരുന്നു പ്രിയങ്ക.
സര്‍വകലാശാലയില്‍ എന്‍.എസ്.യുവിനെ സസ്‌പെന്‍ഡ് ചെയ്യുകയും കരിമ്പട്ടികയില്‍ പെടുത്തുകയും ചെയ്തതിനെതിരേ യൂനിയന്‍ വൈസ് പ്രസിഡന്റ് അഖിലേഷ് യാദവ് പ്രതിഷേധിച്ചിരുന്നു. ഇതേതുടര്‍ന്ന് അദ്ദേഹത്തിനെതിരേയും സര്‍ക്കാര്‍ നടപടി സ്വീകരിക്കുകയായിരുന്നു.
കോളജ് തലത്തില്‍ തെരഞ്ഞെടുപ്പ് നടക്കുന്നതിനെ എന്തിന് ബി.ജെ.പി ഭയപ്പെടുന്നുവെന്ന് പ്രിയങ്ക ചോദിച്ചു.