കൊച്ചി: കൊച്ചി കോര്‍പറേഷനില്‍ ഒരു വോട്ടിന് തോല്‍വി സംഭവിച്ചത് ഞെട്ടിക്കുന്നതെന്ന് യു.ഡി.എഫ് സ്ഥാനാര്‍ഥി എന്‍. വേണുഗോപാല്‍. പരാജയം സാങ്കേതിക തകരാറുകാരണമാണെന്നാണ് വേണുഗോപാല്‍ പറയുന്നത്.റീ പോളിങ് ആവശ്യപ്പെടുന്ന കാര്യം പരിശോധിക്കും.496 വോട്ട് രജിസ്റ്ററിലുണ്ടായിരുന്നെങ്കിലും 492 വോട്ടുകളാണ് മെഷീനുണ്ടായിരുന്നത്. ഇത് ഏകീകരിക്കാന്‍ പ്രിസൈഡിങ് ഓഫീസര്‍ നറുക്കെടുപ്പ് നടത്തുകയായിരുന്നു. പരാതി നല്‍കുന്ന കാര്യം മറ്റുള്ളവരുമായി ആലോചിച്ച് തീരുമാനിക്കുമെന്നും വേണുഗോപാല്‍ പറഞ്ഞു. അതേസമയം പാര്‍ട്ടിയില്‍ ഗ്രൂപ്പ് തര്‍ക്കം പോലുള്ള പ്രശ്‌നങ്ങളുണ്ടായിരുന്നെന്നും അദ്ദേഹം പറഞ്ഞു.

കൊച്ചി കോര്‍പറേഷന്‍.യു.ഡി.എഫ് പിടിക്കുകയും ഡിവിഷനില്‍ ജയിക്കുകയും ചെയ്തിരുന്നെങ്കില്‍ എന്‍.വേണുഗോപാല്‍ മേയറാകുമായിരുന്നു.