ഹരിപ്പാട്: കാര്‍ത്തികപ്പള്ളി ഹോളി ട്രിനിറ്റി സ്‌കൂളിന്റെ മുപ്പതാം വാര്‍ഷികത്തോടനുബന്ധിച്ച് നടത്തുന്ന ജീവകാരുണ്യ പ്രവര്‍ത്തനങ്ങളുടെ ഭാഗമായി ചിങ്ങോലി പഞ്ചായത്ത് രണ്ടാം വാര്‍ഡിലെ ദീപയ്ക്ക് വീട് നിര്‍മിച്ച് നല്‍കുന്നു.
ഗ്രാമ പഞ്ചായത്തിന്റെ നിര്‍ദ്ദേശ പ്രകാരം സ്‌കൂള്‍ വിദ്യാര്‍ഥികള്‍ നടത്തിയ സര്‍വേയുടെ അടിസ്ഥാനത്തിലാണ് ഭവനാര്‍ഹമായ കുടുംബത്തെ കണ്ടെത്തിയത്. കുട്ടികള്‍ ശേഖരിച്ച പഴയ ദിനപത്രങ്ങള്‍, മാസികകള്‍, നോട്ടുബുക്കുകള്‍ തുടങ്ങിയവയിലൂടെ സമാഹരിച്ച തുകയും മാനേജ്‌മെന്റും, പി.റ്റി.എ യുടെയും സഹകരണത്തോടു കൂടിയാണ് വീട് നിര്‍മാണം പുരോഗമിക്കുന്നത്.