കട്ടാങ്ങല്‍: കുറുങ്ങാട്ട്കടവില്‍ പുഴയില്‍ കുളിക്കാനിറങ്ങിയ വിദ്യാര്‍ഥിയെ കാണാതായി. മലയമ്മ അമ്പലമുക്ക് തടായില്‍ കരീമിന്റെ മകന്‍ ഇയാസ്(17) സുഹൃത്തിനൊപ്പം പുള്ളാവൂര്‍ കുറുങ്ങാട്ട് കടവില്‍ കുളിക്കുമ്പോള്‍ മുങ്ങിപ്പോവുകയായിരുന്നു.
ഫയര്‍ഫോഴ്‌സും കുന്ദമംഗലം പൊലിസും നാട്ടുകാരും  തെരച്ചില്‍ നടത്തിയെങ്കിലും രാത്രിയായിട്ടും ഇയാസിനെ കണ്ടെത്താന്‍ കഴിഞ്ഞിട്ടില്ല.
രാത്രിയോടെ തെരച്ചില്‍ നിര്‍ത്തിവച്ചു. ഉച്ചക്ക് പന്ത്രണ്ടോടെ കുറുങ്ങാട്ട് കടവില്‍നിന്ന് എന്‍.ഐ.ടിയിലേക്ക് വെള്ളമെടുക്കുന്നതിന്ന് സൗകര്യത്തിനുകെട്ടിയ ബണ്ടിന്റെ താഴെ ഒഴുക്കില്‍ പെടുകയായിരുന്നു.
അപകട സാധ്യതയുള്ള ഇവിടെ ഒരു മുന്നറിയിപ്പ് ബോഡ് പോലും അധികൃതര്‍ ഇതുവരെ സ്ഥാപിച്ചിട്ടില്ല. ഫയര്‍ ഫോഴ്‌സ് രാവിലെ തെരച്ചില്‍ തുടരും.