പുതുക്കാട്: ഗ്രൂപ്പുവഴക്കും തമ്മിലടിയും രൂക്ഷമായ പുതുക്കാട് കോണ്‍ഗ്രസ് ഓഫിസിന്റെ ബോര്‍ഡ് തകര്‍ത്തതായി പരാതി.
ആമ്പല്ലൂരിലെ ഐ.എന്‍.ടി.യു.സി ഓഫിസിന്റെ കെ.പി വിശ്വനാഥന്‍ സപ്തതി സ്മാരക ബോര്‍ഡാണ് നശിപ്പിച്ചത്. ഏറെ തര്‍ക്കങ്ങള്‍ക്കും വിവാദങ്ങള്‍ക്കും ശേഷം സ്ഥാപിച്ച ബോര്‍ഡാണ് കഴിഞ്ഞ രാത്രി അജ്ഞാതര്‍ തകര്‍ത്തത്. നേരത്തേ ഓഫിസില്‍ ചിലര്‍ മദ്യപിച്ചു വന്നത് ചോദ്യം ചെയ്തതുമായി ബന്ധപ്പെട്ട് തര്‍ക്കവും അടിപിടിയും നടന്നിരുന്നു. ഇതിനെ തുടര്‍ന്ന് ഓഫിസ് അടച്ചിട്ടിരിക്കുകയായിരുന്നു.