കോഴിക്കോട്: മന്ത്രി ടി.പി രാമകൃഷ്ണനെതിരേ കോഴിക്കോട്ട് യൂത്ത് ലീഗ് പ്രവര്‍ത്തകരുടെ കരിങ്കൊടി. രാവിലെ മലബാര്‍ പാലസില്‍ ഒരു ചടങ്ങിനെത്തിയപ്പോഴാണ് യൂത്ത് ലീഗ് പ്രവര്‍ത്തകര്‍ കരിങ്കൊടി കാണിച്ചത്. സംസ്ഥാനത്തു ബ്രുവെറികള്‍ അനുവദിച്ചതുമായി ബന്ധപ്പെട്ട വിവാദം പുകയുന്നതിനിടെയാണ് എക്‌സെസ് മന്ത്രിക്കെതിരേ യൂത്ത്‌ലീഗ് കരിങ്കൊടി കാട്ടിയത്. കിന്‍ഫ്രയില്‍ പത്തേക്കര്‍ സ്ഥലം ഇതിനായി എക്‌സൈസ് അനുവദിച്ചതായി ആരോപണം ഉയര്‍ന്നെങ്കില്‍ സര്‍ക്കാര്‍ നിഷേധിക്കുകയായിരുന്നു. മന്ത്രിക്കെതിരേ കരിങ്കൊടി കാട്ടിയവരെ പോലീസ് അറസ്റ്റു ചെയ്തു നീക്കി.