തന്റെ  ഫെയ്‌സ്ബുക്ക് പേജിന്റെ ലൈക്ക് വര്‍ധിപ്പിക്കാന്‍ രാഹുല്‍ ഈശ്വര്‍ ഒപ്പിച്ച പണി വെളിച്ചത്താക്കി സോഷ്യല്‍ മീഡിയ. ഇരുപതു ലക്ഷത്തോളം ഫോളോവേഴ്‌സാണ് ഇപ്പോള്‍ രാഹുല്‍ ഈശ്വറിനുള്ളത്. രാഹുല്‍ ഈശ്വറിന്റെ ഫേസ്ബുക്ക് പേജ് മുമ്പ് അഡള്‍ട്ട് ജോക്കുകള്‍ക്ക് ഉണ്ടാക്കിയ പേജിന്റെ പേരുമാറ്റിയതാണ്. പേജിന്റെ ഇന്‍ഫോം ആന്റ് ആഡ്‌സ് ഹിസ്റ്ററി പരിശോധിച്ചപ്പോഴാണ് ഇക്കാര്യം വ്യക്തമായത്. 2013ലാണ് ഗ്രൂപ്പ തുടങ്ങുന്നത്. പേജിന്റെ ആദ്യത്തെ പേര് ബി.ബി.എം സ്റ്റാറ്റസ് എന്നായിരുന്നു. അത് മാറി ബി.ബി.എം 18+ എന്നാക്കുകയും പിന്നീട്് പേര് 18+ ജോക്‌സ് എന്ന് മാറ്റുകയും ചെയ്തുവെന്നും ഹിസ്റ്ററി പറയുന്നു. ശബരിമല വിഷയത്തില്‍ സജീവമായി ഇടപെടുന്ന രാഹുല്‍ ഈശ്വറിനെതിരെ തട്ടിപ്പെന്ന നിലയിലാണ് ഇതിനെ സോഷ്യല്‍ മീഡിയ ഉയര്‍ത്തികൊണ്ടുവരുന്നത്.