തൊടുപുഴ: തൊടുപുഴയില്‍ കോണ്‍ഗ്രസ് പരസ്യമായി കാലുവാരിയെന്ന് പി.ജെ. ജോസഫ് എം.എല്‍.എ മാധ്യമങ്ങളോട് പറഞ്ഞു. കോണ്‍ഗ്രസ് വിമതരെ നിറുത്തി തങ്ങളെ തോല്‍പിച്ചു. സ്ഥാനാര്‍ഥി നിര്‍ണയത്തിലും പിഴച്ചു. കോട്ടയം ജില്ല പഞ്ചായത്തില്‍ യു.ഡി.എഫിന് മികച്ച പ്രകടനം കാഴ്ചവയ്ക്കാന്‍ സാധിക്കാത്തതും കോണ്‍ഗ്രസ് കാരണമാണ്.
ജില്ല, ബ്ലോക്ക്, ഗ്രാമ പഞ്ചായത്തുകളില്‍ മികച്ച പ്രകടനം നടത്താനായി. പലയിടത്തും രണ്ടിലയെ പരാജയപ്പെടുത്തി. രണ്ടില ജോസ് കെ. മാണിക്ക് മുന്‍തൂക്കം നല്‍കി. സര്‍ക്കാരിന്റെ തെറ്റായ പ്രവര്‍ത്തനങ്ങള്‍ വോട്ടാക്കി മാറ്റാന്‍ സാധിച്ചില്ല. ഈ തെരഞ്ഞെടുപ്പ് ഫലം നിയമസഭ തെരഞ്ഞെടുപ്പിനെ ബാധിക്കില്ലെന്നും ജോസഫ് തൊടുപുഴയില്‍ പറഞ്ഞു.