കോപന്‍ഹേഗന്‍: 335 പേരുമായി പുറപ്പെട്ട ലത്വേനിയന്‍ കടത്തു ബോട്ട് അറ്റ്‌ലാന്റികിലെ ബ്ലാട്ടിക് കടലില്‍ കുടുങ്ങി. എന്‍ജിന്‍ തകരാറിലായതിനെ തുടര്‍ന്നാണ് ഇവര്‍ കുടുങ്ങിയത്. ബോട്ടില്‍ നിന്ന് അഗ്നി ഉയരുന്നുണ്ടെന്നും യാത്രക്കാരെ രക്ഷിക്കാനുള്ള ശ്രമങ്ങള്‍ ആരംഭിച്ചുവെന്നും മാധ്യമങ്ങള്‍ റിപ്പോര്‍ട്ട് ചെയ്തു. ജര്‍മന്‍ തുറമുഖമായ കിയലില്‍ നിന്ന് ലിത്വേനയയിലെ കലിപാടെയിലേക്ക് പുറപ്പെട്ട ബോട്ടാണ് അപകടത്തില്‍പ്പെട്ടത്. എന്നാല്‍ ബോട്ടില്‍ അഗ്നി ബാധയുണ്ടായിട്ടില്ലെന്നും സാങ്കേതിക പ്രശ്‌നം മാത്രമാണെന്നും ബോട്ടു ഉടമസ്ഥരായ ഡി.എഫ്.ഡി.എസ് കമ്പനി അറിയിച്ചു.