തൊടുപുഴ: തമിഴ്‌നാട്ടില്‍ നിന്ന് മുണ്ടക്കയം ഭാഗത്തേക്ക് അനധികൃതമായി വില്‍പ്പനക്കെത്തിച്ച കടുവാത്തോലുമായി അഞ്ചുപേര്‍ പിടിയില്‍.
തമിഴ്‌നാട് സ്വദേശികളായ നാരായണന്‍ (71), ചക്കര (63), മുരുകന്‍ (42), കറപ്പുസ്വാമി (54), രത്തിനവേല്‍ (50) എന്നിവരാണ് പിടിയിലായത്. വള്ളക്കടവ് റെയ്ഞ്ച് ഓഫിസറുടെ നേതൃത്വത്തില്‍ നടന്ന പരിശോധനയില്‍ ചൊവ്വാഴ്ച രാത്രിയിലാണ് പ്രതികള്‍ കുടുങ്ങിയത്. കുമളി വണ്ടിപ്പെരിയാര്‍ 59ാം മൈല്‍ ഭാഗത്തുവച്ചാണ് പ്രതികളെ പിടികൂടിയത്. കടുവാത്തോല്‍ കടത്താന്‍ ശ്രമിച്ച കാറും പിടികൂടി.