കൊച്ചി: ടോസില്‍ ഭാഗ്യം കടാക്ഷിച്ചപ്പോള്‍ അത് രജനി മണിക്ക് കോര്‍പറേഷനിലേക്കുള്ള പ്രവേശനമായി.
കൊച്ചി കോര്‍പറേഷനിലേക്കുള്ള വോട്ടെണ്ണല്‍ അവസാനിച്ചപ്പോള്‍ യു.ഡി.എഫ്-എല്‍.ഡി.എഫ് സ്ഥാനാര്‍ഥികള്‍ക്ക് തുല്യവോട്ടുകളായി. വിജയിയെ നിശ്ചയിക്കാന്‍ ടോസ് നടത്തിയപ്പോള്‍ ഭാഗ്യം യു.ഡി.എഫിനൊപ്പം നിന്നു.
കൊച്ചി നഗരസഭയിലെ ഡിവിഷന്‍ 65 കലൂര്‍ സൗത്തിലാണ് ടോസിലൂടെ യു.ഡി.എഫ് സ്ഥാനാര്‍ഥി രജനി മണി വിജയിച്ചത്. വോട്ടെണ്ണല്‍ അവസാനിച്ചപ്പോള്‍ 1,058 വോട്ടുകള്‍ വീതം നേടി രജനി മണിയും എല്‍.ഡി.എഫിലെ സിനാ ബാബുവും ഒപ്പത്തിനോപ്പം എത്തിയതോടെയാണ് വിജയിയെ നിര്‍ണയിക്കാന്‍ ടോസ് വേണ്ടിവന്നത്. ടോസ് യു.ഡി.എഫിന് അനുകൂലമായതോടെ രജനി മണിയെ വിജയിയായി പ്രഖ്യാപിക്കുകയായിരുന്നു.