അമ്മാന്‍: രണ്ടുവര്‍ഷത്തിനു ശേഷം ഇരു രാജ്യങ്ങളും തമ്മിലെ ബന്ധം മെച്ചപ്പെടുത്തുന്നതിന്റെ ഭാഗമായി ഖത്തറില്‍ പുതിയ സ്ഥാനപതിയെ നിയോഗിച്ച് ജോര്‍ദാന്‍. മുതിര്‍ന്ന നയതന്ത്ര പ്രതിനിധിയും വിദേശകാര്യ മന്ത്രാലയം സെക്രട്ടറി ജനറലുമായ സെയ്ദ് അല്‍ ലൂസിയെയാണ് ഖത്തറിലെ അംബാസിഡറായി നിയമിച്ചത്. അതോടൊപ്പം ശെയ്ഖ് സൗദ് ബിന്‍ നാസര്‍ ബിന്‍ ജസീം അല്‍താനിയെ ജോര്‍ദാനിലെ ഖത്തര്‍ അംബാസഡറായും നിയോഗിച്ചു.
രണ്ടുവര്‍ഷം മുന്‍പ് സൂദി സഖ്യത്തിലുള്ള രാജ്യങ്ങല്‍ ഖത്തറുമായുള്ള ബന്ധങ്ങള്‍ അവസാനിപ്പിച്ചതിന്റെ ഭാഗമായി ജോര്‍ദാനും അംബാസഡറെ പിന്‍വലിച്ചിരുന്നു.