നെല്ലിയാമ്പതി: 15 വര്‍ഷത്തിനുശേഷം തോട്ടംമേഖലയായ നെല്ലിയാമ്പതി പഞ്ചായത്തില്‍ യു.ഡി.എഫിന് അട്ടിമറി വിജയം. നാലായിരത്തില്‍ താഴെ ജനസംഖ്യയുള്ള ഇവിടെ തോട്ടംമേഖലയില്‍ ജോലിചെയ്യുന്നവരാണ് ഭൂരിപക്ഷവും. ആദിവാസി സമൂഹവും അധിവസിക്കുന്നുണ്ട്. കഴിഞ്ഞതവണ യു.ഡി.എഫിന് നാല് സീറ്റുകളാണ് ലഭിച്ചിരുന്നത്. ഇത്തവണ ഏഴായി ഉയര്‍ന്നു. രണ്ട് സീറ്റുകള്‍ നേടിയിരുന്ന സി.പി.ഐക്ക് ഇത്തവണ ഒരു വാര്‍ഡിലും ജയിക്കാനായില്ല. സി.പി.എമ്മിന് അഞ്ച് സീറ്റ് ലഭിച്ചു. കഴിഞ്ഞതവണ ഒരു സീറ്റ് കിട്ടിയിരുന്ന ബി.ജെ.പി അത് നിലനിര്‍ത്തി.