കോട്ടയം: പാലാ മണ്ഡലത്തില്‍ തനിക്കാണ് ഭൂരിപക്ഷമെന്നും പാലാ സീറ്റ് ആര്‍ക്കും വിട്ടുകൊടുക്കുന്ന പ്രശ്നമില്ലെന്നും മാണി സി കാപ്പന്‍. തദ്ദേശ തെരഞ്ഞെടുപ്പില്‍ ഉണ്ടായത് മുന്നണിയുടെ വിജയമാണ്. അല്ലാതെ ഏതെങ്കിലും പാര്‍ട്ടിയുടേതല്ല . അങ്ങനെ ആര്‍ക്കും അവകാശപ്പെടാനാകില്ലെന്നും എന്‍.സി.പി നേതൃത്വം വ്യക്തമാക്കി.

തനിക്ക് കിട്ടിയ ഭൂരിപക്ഷം ജോസ് പക്ഷത്തിന് ലഭിച്ചിട്ടില്ല. 25നുമേല്‍ കുടുംബയോഗങ്ങളില്‍ പങ്കെടുത്തിട്ടുണ്ട്. പ്രചാരണങ്ങളില്‍ നിന്ന് വിട്ടുനിന്നിട്ടില്ല. എട്ട് പഞ്ചായത്തും ഒരു മുനിസിപ്പാലിറ്റിയും ലീഡ് ചെയ്ത പാര്‍ട്ടിക്ക് രണ്ട് സീറ്റാണ് തന്നത്. പക്ഷേ ഞങ്ങള്‍ ഇവിടെ ഒന്‍പതിലും ജയിച്ചുവെന്നും അദ്ദേഹം പറഞ്ഞു.

പാലാ വിട്ട് ഒരു കളിക്കും ഇല്ല. ഏത് സാഹചര്യത്തിലും പാലാ വിട്ടു കൊടുക്കുന്ന പ്രശ്‌നം എന്‍.സി.പിക്ക് ഇല്ലെന്നും മാണി സി കാപ്പന്‍ പറഞ്ഞു.