തിടനാട്: പൊലിസ്  പെട്രോളിങിനിടെ മോഷ്ടാവ് പിടിയിലായി. രാജപാളയം  സ്വദേശി മൂര്‍ത്തി(36)യാണ് തിടനാട് പൊലിസിന്റെ പിടിയിലായത്. കഴിഞ്ഞ രാത്രി തണ്ണാനാല്‍ ഭാഗത്ത് കൊട്ടാരത്തില്‍ ചാര്‍ളിയുടെ വീട്ടില്‍ മോഷണം നടത്തിയശേഷം പോകുകയായിരുന്ന മൂര്‍ത്തിയെ ചോദ്യം ചെയ്തപ്പോഴാണ് ഇയാള്‍ പിടിയിലായത്.
ചാര്‍ളിയുടെ വീട്ടില്‍ നിന്നും മോഷ്ടിച്ച 6000 രൂപയും സ്വര്‍ണമെന്ന് കരുതി മോഷ്ടിച്ച മുക്കുപണ്ടവും ഇയാളില്‍ നിന്നും പിടിച്ചെടുത്തു. കോടതിയില്‍ ഹാജരാക്കിയ മൂര്‍ത്തിയെ  റിമാന്‍ഡ് ചെയ്തു. ഇയാള്‍ നേരത്തെയും മോഷണക്കേസില്‍ ശിഷിക്കപ്പെട്ടിട്ടുള്ളതായി പൊലിസ് പറഞ്ഞു.