മട്ടന്നൂര്‍: കണ്ണൂര്‍ വിമാനത്താവളത്തില്‍ സി.ഐ.എസ്.എഫ് ഉദ്യോഗസ്ഥരെ സുരക്ഷക്ക് വിന്യസിച്ചു. ആദ്യഘട്ടത്തില്‍ 44 അംഗ സി.ഐ.എസ്.എഫ് സംഘമാണ് വിമാനത്താവളത്തില്‍ എത്തിയത്. ബാക്കിയുള്ളവര്‍ ഈ മാസം തന്നെ എത്തും.
സി.ഐ.എസ്.എഫ് സംഘത്തെ മൂന്ന് ഏരിയയിലാണ് വിന്യസിച്ചത്. ടെര്‍മിനല്‍, ഏപ്രണ്‍, റണ്‍വേ എന്നിവയ്ക്കു പുറമെ പ്രവേശന കവാടത്തിനും സേന നിലയുറപ്പിക്കും. എമിഗ്രേഷന്‍ വിഭാഗത്തിലും കസ്റ്റംസിലും മറ്റു വിവിധ ഭാഗങ്ങളിലുമായാണ് സി.ഐ.എസ്.എഫിനെ നിയോഗിക്കുക.വിമാനത്താവളത്തിന്റെ ചുറ്റുമതിലിനോടു ചേര്‍ന്ന് സി.ഐ.എസ്.എഫ് വാച്ച് ടവറിന്റെ നിര്‍മാണ പ്രവൃത്തി നേരത്തെ പൂര്‍ത്തിയാക്കിയിരുന്നു. അതേസമയം ഇമിഗ്രേഷന്‍ വിഭാഗത്തിന്റെ ചുമതല താല്‍ക്കാലികാടിസ്ഥാനത്തില്‍ കേരള പൊലിസിനായിരിക്കും.