വെഞ്ഞാറമൂട്: ഏഴാം ക്ലാസ് വിദ്യാര്‍ഥിനിയെ ബസ്‌കണ്ടക്ടര്‍ മുഖത്തടിച്ചതായി പരാതി. വെഞ്ഞാറമൂട് യു.പി.എസിലെ ഏഴാംക്ലാസ് വിദ്യാര്‍ഥിനിയെ കഴിഞ്ഞ ദിവസം വെമ്പായത്തിന് സമീപം വച്ച് കണ്ടക്ടര്‍ മുഖത്തടിക്കുകയായിരുന്നു.
സ്‌കൂള്‍വിട്ട ശേഷം കീഴായിക്കോണത്തെ മദ്‌റസയിലെ പഠനം കഴിഞ്ഞ് വെമ്പായത്തിനടുത്തുള്ള വാടക വീട്ടിലേക്ക് പോകാനായി നെടുമങ്ങാട്ടേയ്ക്കുള്ള ബസില്‍ ബന്ധുവിനൊപ്പമാണ് കുട്ടി കയറിയത്. വെഞ്ഞാറമൂട് സ്റ്റാന്‍ഡില്‍ ടിക്കറ്റ് കുട്ടിക്ക് നല്‍കി ബന്ധു ഇറങ്ങിയിരുന്നു. തുടര്‍ന്ന് ബസ് വെമ്പായത്തെത്തിയപ്പോള്‍ കനത്ത മഴയെ തുടര്‍ന്ന് കുട്ടി തൊട്ടടുത്ത മണ്ഡപം സ്റ്റോപ്പിലാണ് ഇറങ്ങിയത്. ഇവിടെ വച്ചാണ് കണ്ടക്ടര്‍ കുട്ടിയോട് കയര്‍ത്ത് കൊണ്ട് മുഖത്തടിച്ചത്.
വെമ്പായത്തേക്ക് ടിക്കറ്റെടുത്ത ശേഷം ഇവിടെ ഇറങ്ങിയതെന്തിന് എന്ന് ചോദിച്ചായിരുന്നു കുട്ടി അടിച്ചത്.
ഇത് സംബന്ധിച്ച് കുട്ടിയുടെ ബന്ധുക്കള്‍ വെഞ്ഞാറമൂട് ഡിപ്പോ അധികൃതര്‍ക്കും ചൈല്‍ഡ് ലൈന്‍ പ്രവര്‍ത്തകര്‍ക്കും പരാതി നല്‍കി.